Category Archives: شعرية باللبن

كيلو بامية ..

كيلو بامية ..

القطة العميا..

سرقت قميصي ..

الإنجليزي ..

عسكر فوق، وعسكر تحت ..

اخص عليك يا بتاع الكعك

كيلو بامية ..

اسعارها حامية

غالية عليا

و البامية نيه

مافيش غاز

هديه لعدونا شوف الاعجاز

حكم الهدية الجواز

بيننا نسب و جواز

الغاز متصدر

و شعبنا متخدر

القطة العميا

مكنتش عميا

لكن ضربوها

فين بن لادن

القط اتجنن

من الضرب ضعفت

راحت اعترفت

هي اللي سرقت

سرقت قميص

يوم الخميس

قميص انجليزي

قطنه مصري

مسروق يا عزيزي

عسكر فوق

مش راضي يفوق

عسكر تحت

خلاني شحت

اخص عليك يا بتاع الكحك

كفياك عك

عقلك فك

حصنك اتدك

شايل طاسة بدل مدفعك

و بدل البارود سكرك

عبد لكل من ملك

العالم علينا ضحك

حي الحلق جاي

حي حي

 الحلق جاي

حلق فيه المعجزات

و الكرامات

حلق حلق

قرب و برق

حلق يطفي اللي اتحرق

و يجمع كل من عشق

و يحيي اللي اتغرق

و يرجع اللي اتسرق

و يحول المايه لمرق

حلق ببركة و عرق

ان كان فلوسهم  ورق

ففلوسنا حلق

من النور اتخلق

خدوا االبركة من الخرق

تخلي بلادنا حصان سبق

ببركته الحسود اتفلق

يبعد عنك الزهق

حلق حلق

يخرجنا من النفق

و يملى بنوكنا دولارات ورق

يرجع الحق و يشفي من البق

حلق حلق

يرجع المتطلق

و يرجع المستحق

و يجمع اللي اتفرق

و المريض يروق

و المغمي يفوق

و يشفي الحروق

قرب و دقق

حلق مع الدرويش

يغلب جيوش

و يرجعها فشوش

حلق اعطته العزرا

لزينب تحت شجرة الجميز

تعطيه محامي في اشعيا

حلق 25 عيار

يرفع عنا العار

و يصد عنا النار

حلق بركة الاوليا

يرد الاعاديا

يجعل اقتصادنا عاليا

حي حي

الحلق جاي

مدد يا حلق الشيخة زينب مدد

 

رسالة الى صفية

عن اي شئ في الوطن تسئلين يا صفيه

عرضك؟

ضاع

ارضك ؟

اتباع

القادة ؟

أتباع

ابنك ؟

جاع

علاجك؟

من الكفتة صباع

سرك؟

متذاع

حقك ؟

مشاع

ادميتك؟

انت بتاع

الكوبري؟

خر و تداع

اللواط؟

ابداع

لقائنا ؟

زياره بمعتقل ثم وداع

شيخنا و قسيسنا ؟

للظالم اتباع

الزاهد ؟

طماع

عدونا ؟

امره مطاع

الحق؟

خداع

العلاج ؟

الصداع

عنترة ؟

جعجاع

اعلامنا ؟

رقص على الايقاع

الجنية ؟

بالقاع

قصرنا ؟

تداع

بيتنا ؟

لا يساع

للعدو ؟

يساع

بين الاخوة ؟

صراع

اعتراف بالخطأ؟

لا يستطاع

امر العدو؟

مطاع

اتسئلين عن الوطن ؟ الوطن الا يحدث ذلك كله يا صفية

هابيع مخدرات

خلاص قررت أبيع مخدرات

هلف على القهاوي و  الكباريهات

و المساجد و الكنائس و البارات

ابيع مخدرات

راح أقول  بلدنا احسن بلد

و ولدها اذكى ولد

امريكا طلعت القمر

و احنا القمر على الباب

راح اعيد و ازيد

في فضائل يزيد

و كل امير جديد

امدحه كأنه هارون الرشيد

امدحه كانه بن الوليد

حد قال هات

حد عايز مخدرات

و معجزات

خد عندك مخدرات

جهاز الكفتة و الخضروات

هيدخل لنا كل يوم

مليارات

شد نفس و قول هات

 العاصمة الجديدة

هيتجوز فيها كل الانسات

و انجازات

و حل مشكلة الشباب

بالمعتقلات

حد قال هات

سمع هص

فاكرين ديليسبس

حفر قناة بس

و السيسي  حفر قناة

على الطري و على اليابس

و لبس احلى لبس

ليس في حفله واحدة بدلتين

محدش عاملها غير صافيناز يا متأخونين

بص على جوجل ايرث

تشوف خطين متوازيين

تشوفهم كل عين

بس تكون ضارب حجرين

_

وزير السياحة

بيسئل ليه بريطانيا عامله مناحه

عشان كام مواطن ماتوا ؟!؟ دي وقاحه

دول مواطنين و ساويناهم بالمصريين

خلاص هنسد الخرم اللي مخليكم مجانين

بل لما يتسد ؟

هنعمل حمام منين؟

—-

وزير البترول

اذكي العقول

اتكلم كلام معقول

ازمة البترول ايحاء نفسي

او جنسي

حل مشكلة البترول

خد نفس و قول “هوب”

تتحل على طول

—-

رئيس هيئة الطرق المصرية

الشوارع مكسرة

لحماية الشعب من نفسه..المستهترة

خطة يا عالم مهيبره

تصريح حويط

لبس في الحيط

وزير التخطيط

 الشعب المصري البسيط

اسعد شعب في العالم

عالم الوطاويط

فين الزغاريد

زغردي يا انشراح

ما اللي راح راح

تعليمنا احسن من السنغافورية

و قرب من الامريكية

الزند: حجم الفساد في بلدنا بهيه

يسير وفق المعدلات العالمية

هى المرارة اتفقعت من شوية!

— وزير البيئة

كمان مره البيئة ا

للي عنده تمساح مخبية

ياريت لجنينة الحيوان يهديه

والسمك مش ميت دى غيبوية

محدش يصوت

و بلاش تهزر و لا تتنكت

—- المجلس الاعلى للاثار :

السائح المحترم

ما يشتريش من الهرم

ده مجلس و لا خلتي ام كرم

__

يحيى البطل المهاب

القاضي على الارهاب

بقتل الشباب

محول الايدز لكباب

—-

اسكت يا رعديد

ايتكلم عن القضاه امثالك من العبيد

هم أسياد البلد والباقون عبيد

سبح بحمد الزند المجيد

ذلك هو القول السديد

وزير النقل

شرب و تقل

الطرق بمصر لا تقل عن ألمانيا ودبي!

شوارعنا افضل ان تقارن بطرق زي دي

امين الشرطة انت من النجوم ارفع

فتاه رفضت  رجل بعربة السيارات اصفع

و لطائرات صهيونية بسمائنا ترتع

اعطها التحية و لها اركع

ابتسم لها و لها اخشع

و على نسائنا تضبع

راح اشتم في الثورة و الثوار

؟ايه الملك طار

هو و الحاشية في المطار

فليعيش الاحرار

الثوار الاحرار

شبابنا جاب لنا الفخر و الفخار

و طرد الفاجر و شلته الفجار

ايه , انقلاب !!!

وقتل الشباب

الخارج على مولانا مجرم و خاب

لازم اشد حساب

بلاش سجن و لا سجان

“اضرب في المليان”

و كل شاب بيموت

ده امان

للحاكم الجبان

هبيع ( إل . إس . دي )

و اقول لكل قاتل

يا سيدي

يوم جريمتك عيدي

فدادين جهل

عنده فدادين جهل

تغنية عن كل الناس

مفروض ما يمشي على الارض

يتفرش له السجاجيد الحمرا مداس

شرف كبير لو اداهم ايده تتباس

في الادب احسن من طه و عباس

و المازني و الرافعي و اي هياس

في العلم احسن من زويل و فرناس

شغال على جهاز

يحول الذهب لنحاس

قالك هنحل مشكلة الاقتصاد و نصنع ماس

جاب سلكين كهربا و حرق البيت بالماس

بيضرب اخماس في اسداس

اعكس البسط اعكاس

الناتج عشرين اكياس !!

أمور يا خواتي في اي لباس

لو يوم أكل لحمه رأس

يخون كل اللي كلوا قلقاس

جهله شايف الناس كلها تحسده عليه

هيعين عليه طقم  حراس

شايف كل الاطهار انجاس

مش شايف محرر للعبيد الا النخاس

جهله ما يكفيه مليون كراس

ابليس قاله حضرتك مش محتاج وسواس

جهلك و ثقتك تغنيك عن الشرب و الكأس

باب زويلة

و باب زويلة

تزول المدينة

و هو ما زال

با مربع و متربع و عال العال

ارسم مربع 25 متر للضلع يا خال

و لا يحركة مليون زلزال

كأن الزلزال زغزغة عيال

بناه جدودنا احمد و عبد العال

من الف سنه و لسه عال العال

و احنا نبني عماره , انها تكمل السنه محال

لو شافه فرعون ينده على وزيره و قال

سيب اللي في ايدك و تعال شوف الجمال

اعزم عليه بعسليه و اقوله ايه رأيك يا صاحب المعال

يرد زويلة : مش عاجبني الحال

و لا الفتنه و القتال

أقرا تاريخ جدك و بعد كده تعال

علي باب زويلة تقرا الاخبار

خطوبة قطز ل “جولنار”

و المهر  عقد من رؤوس التتار

يعلقه علي باب زويلة

و أقرأ خبر الانتصار

 شارع المعز

كتابات علي الجدار العازل

من انا؟؟

انا جدار

مكون من ملايين الاحجار

كل حجر مني نار

تكره الاستعمار

الذي بناني هو الاستعمار

بني حول نفسه الاسوار

حين يخلو بنفسه

و ينظر الي يديه

يري في يديه

احمرار

فيغسل يدية الف مره

هيهات ان يغسل الماء دم الدره

يخاف من نظره عجوز جاوزت الستين

يخاف من شجرة التين

يخاف من ظله

فينفق المليار

ليبني حول نفسه حصار

و يعلي الاسوار

الاولي لا و التانية لا و التالتة لا

الاولي لا و التانية لا و التالتة لا Continue reading →

ما احلي طعم الصنم

Continue reading →

ك_فيل

سافر تركيا و فرنسا او البرازيل

و كندا و فنزويلا او حتي اسرائيل

او سافر بلاد بيروحوا الشغل راكبين فيل

ما تلقي فيها كفيل

***

و انا مسافر قالولي لازم لك كافيل

كفيل اية ؟؟ انا من بلاد الهرم و النيل

و كلنا عرب من ابناء اسماعيل

بطل رغي وراك طابور طويل

*** Continue reading →

كوميديا سوداء

في بلادنا افتتحوا المسرح

ظننا انفسنا سنلهوا و نمرح

اخيرا يا بهيه سنفرح

فاذا بالمسرح يقدم كوميديا سوداء

ابتدي المسرح بالبكاء

نضحك باكيين على الشهداء

نسخر من اغتصاب النساء

نضحك على جثث الاحباء

شارلي شابلن الفتي الظريف

يؤدي دور ظريف

عن قطع عنق طفل بشكل مخيف

نصفق للمجرم الشريف

فمتثيلة ليس له مثيل

و نحن نعلم انه ليس بتمثيل

***

الممثل العاطفي

في مشهد عاطفي

يغتصب عجوزه فقمنا نصفق و نحتفي

اصدام ميكروباص بطائرة

تضحك لها شفاه حائرة

بضحكاتنا الفاجره

نسخر من اغتصاب ضابطين لفتاة

في جريمة جائرة

و نطلق النكات موزونة القافية

اما العدالة فتمشي حافية

ممزقة الثياب خرساء مائلة

نسئلها ضاحكين : ماذا انت فاعله ؟؟

بابن الفاعلة ؟؟

لم نري سيف العدالة ينتصب

من النخوة و الغضب

بل رأينا العدالة (في كل مشهد) تغتصب

نشاهد ضاحكين و نحن نمص القصب

***

فتاة جميلة كالبوغاشة

يغتصبها سيادة الباشا

بتحريض من عكاشة

فنهلل ضاحكين من البشاشة

***

يموت الف طقل من البرد

او ربما اكثر , تعبت من العد

فنقهقه ضاحكين

على منظر اب مسكين

بوجهه الحزين

يدفن ابنه في الطين

و مع ضحكاتنا

تتناثر من شفاهنا

اخر قطرة من كرامتنا

***

في رقعة الشطرنج

يضحي العدو بجندي و يأكل وزيرنا

و عساكرنا و فيلنا و حصاننا و طابيتنا

فنفرح بانتصارنا

و بطولاتنا

و نخرج للعدو لساننا

قتلنا لكم جندي بأيدنا

لشعبنا اقول :

تهانينا

***

دي ساد يرفع قضية

علي من يصف مشاهدي المسرحية

 بالسادية

و الماسوشية

صورة معبرة عن الموضوع ماركيز دي ساد

***

في كل مسرحية

تهتك  عرض امراة حره

و يجري كشف العذرية

مره لسيدة اسمها ثورة

و مرة اسمها حرة

و مره اسمها …..

الطريف في المسرحية

ان المخرج و الممثلون من المدرسة الواقعية

في غرفة نوم شهريار

في بلادنا شهريار

بسيفة البتار

و جيشة الجرار

و قلبه المغوار

و شعر نزار

دخلت قصره البارحه

لاصمم له فيلا في مزرعته القريبة

لهذا فرضوا على الفقراء الضريبه

ابصرته بدون كاميرات

و بدون تليفزيوات

فوجدت سيادة الشهريار

اصغر حمار

في شجاعته الفار

و وجدت الحاكم الناهي :

المستشار

و جدت شهريار عبدا

لشهوته عبدا Continue reading →

ريح المحبة

سئلتني عن الاحباء

و وعدت بحفظ سري عن الرقباء

فقلت لها يا ريح

هب حيث تشاء و ارحل حيث تشاء

و لن تجد لي احبه

احب لي ممن تحت الكساء

نفسي لروحهم الفداء  Continue reading →

%d مدونون معجبون بهذه: