Category Archives: in_qatar

الأسطورة الطرقاني خالد كوكه

افتقد اخي الكبير Khaled Kokah الفنان صاحب الحنجرة الجميله و الرسومات البديعه فقد سافر من قطر
تقريبا خالد اول مصري اقابله في قطر و تعلمت منه الكثير و كسر حاجز الغربة
و حاجز اللغة : كنت اجد صعوبة في الحديث لكنه نصحني ان اتحدث و لا اقضى وقت في تكوين جملة سليمة القواعد
ما يخطر علي بالي اتحدث به و هو ما افادني و اعطاني ثقة في نفسي
خالد محترف بغات بعده لهجات و سر هذا كما علمني : الافلام : التركيز مع نطق الممثل و ليس مع الترجمة
لو هتحمل  ترجمة حمل ترجمة انجليزي و الافضل تفرج على كرتون
خالد هوايته الرسم و هو يفكر و يرسم بيده او بالحاسوب بكفائه و اتقان
omar-hair
هذه صوره رسمها لي بسرعه ببرنامج الرسام العادي
كان دائما يمتعنا بصوته بالعربي و الانجليزي و الهندي و لغات اخري و كان قدوته  طارق العربي طرقان
اتمنى لك الخير استاذي

يوم مع الجالية المصرية بشاطئ قطارة

هذه اول مره اخرج مع نادي المصريين بقطر و كان يوم جميل و كان تمثيل المصريين لبلدهم رائع من حيث التنظيم و النظام و النظافة 

كان يوما جميلا و كأنك بشاطئ الاسكندرية او العجمي بل اجمل حقيقية فشكرا للقائمين على نادي المصريين بقطر

العدد كان مناسب للمكان , و كان هناك حرص منا على ترك الشاطئ نظيف كما وجدناه و الشاطئ كله كان محجوز لنا

الموضوع فعلا كان ملاحظ حتي ان هناك من سئلني لماذا لا نحرص هذا الحرص في مصر على النظافة و النظام ؟؟

فأجبته ان هناك عاملين اساسين و 5 عوامل فرعية (مثل الدكتور عمرو حمزاوي في مقاله كلامي ينقسم الى اربع مقدمات تؤدي لست نتائج مترابطة ) العاملين الاساسين : 1 شعورنا اننا سفراء لبلادنا و اي خطأ سيقال المصريين يفعلون هذا  2 اننا في بلدنا لم ناخذ ما اخذناه هنا , فلم نعطي ما نعطينه عنا كما قال الجخ

الحب يعني اتنين بيدو..مش ايد بتبني و600 تيت تيت يهدو

الحب حالة…الحب مش شعر و جوالة

الحب يعني براح في جلب العاشقين للمعشوقين

يعني الغلابة ينامو في الليل دفيانين

الحب يعني جواب لكل المسجونين…هما ليه بقو مسجونين ؟

يعني اعيش علشان هدف…علشان رسالة

يعني أحس بقيمتي فيكي..اني مش عايش عوالة

يعني لما أعرق تكافئيني بعدالة

الحب حالة الحب مش شعر و جوالة

الحب حاجة متتواجدش في وسط ناس بتجيب غداها من صناديق الزبالة

الحب جواكي …….

من الاشياء الجميلة ترك السياسة فقط رفعنا علم مصر الذي نلتف حوله جميعا (اتمني لو فيه شاطئ اكبر و يكون يوم للجالية العربية و الجالية الاسلامية )

من الاشياء التي لاحظتها ان اكثر من قطري قد جاء الي الشاطئ مع عائلته فوجد الشاطئ محجوز فانصرف بهدوء الي مكان اخر و هذا شئ ملاحظ في الشعب القطري و الامارتي التواضع و الاحترام

استمتعنا بالسباحه في الشاطئ , استمتعت خصوصا بالنوم على ظهري على البحر  حيث لا تري الا السماء و لا تشعر الا بالماء , فتنعزل عن كل ما حولك

هذا ليس طابور لاستلام الوجبة بل استعراض لفلكور شعبي للعادات المصرية

ان شاء الله قريبا اضع الصور و اكمل التدوينة (و الناس اللي بتهدد بنشر صوري  انا لا اتهدد المدونة اصلا اسمها مهاويس يعني مجانين يعني لا تفرق معنا )

https://www.facebook.com/egclubqa/posts/920019474698476

https://www.facebook.com/groups/EGCIQt/permalink/10153073884025499/

http://alkhbr.net/Community/133647.html

تجديد ترخيص السيارة

اليوم في وقت الاستاحة ذهبت فحصت السيارة و أمنت عليها و جددت الترخيص في اقل من نصف ساعة

ذهبت الي مكان فتح جديد في وادي البنات بجوار الدحيل 

كنت ذهبت مسبقا و فحصت السيارة  بالكمبيوتر سريرعا و لم انجح وقتها لان اللمبة السهاري في المصباح الامامي غير موجودة

قمت بتغيرها و رجعت لكن  لم تمر لان هناك كحت او كشت على غطاء الحقيبة الخلفية و لابد من دهانها قبل ان ترخص

دهان السيارة لازم في الصناعية , لا يمكن ان تدهنها في مكان اخر

ذهبت الي الصناعية لورشة معينة فطلب ترخيص و اذن من البوليس قبل ان يعمل عليها , رغم انها ليست حادث او شئ بل هي من الشمس

ذهبت لقسم البوليس لمعاينتها و استخراج ترخيص و قام الضابط بعمل محضر ضد مجهول و اعطاني الورقة و الترخيص

دهنت شنطة العربية و ذهبت اليوم الي الضابط  فقال لي اذهب الي هذا المبني و لم يعطني ورقة , كله نظام كمبيوتر

دخلت دفعت فلوس التامين في دقيقة و تجديد الرخصة و بس خلاص

Continue reading →

في قطر

كان اول مكان ادخلة بعد خروجي من المطار هو المسجد كان سائق السيارة مسلم و قد حان وقت صلاة العصر فدخلنا لنصلي من بيمينك قد يكون هندي و علي يسارك ينجلاديشي و الامام من الصومال قد يكون احدهم غني و الاخر فقيرا لكنهم جمع بينهم الاسلام دخلت المسجد و اسندت ظهري للحائط اقرا القران و بسلم على من بجواري “اخوك عمر من مصر” “اخوك احمد من اسوان” اية ده هواحنا في مصر لسه ؟؟ عايزين نتعرف على جنسيات اخري

اتعرفت عليه و كان رجل طيب و محترم جدا الصعايدة مليين الخليج ناس جدعان صحيح قابت واحد فقال ليل لا تفعل مثل باقي القاهريين يظل في الخليج عشرة اعوام و لا يددخر شئ , يقضي حياته في شراء الاطعمة الجاهزة و الملابس الماركات و لو حدث شي في الشركة تجده يبحث عن عمل طيب انتوا بتعملوا اية قال لي احنا عندنا بنشتري عمارة في الاسكندرية و أقف بواب عليها ليست نكته فعلا حبابينا الصعايدة بيعملوها و لما تتأمل تجد انه فعلا لازم الواحد يحوش مبلغ احتياطي بعد فترة تكلمت مع اخوة مسلمين من بلاد اسيوية ففهمت معني اية الاستبدال  (وَإِن تَتَوَلَّوْا يَسْتَبْدِلْ قَوْماً غَيْرَكُمْ ثُمَّ لَا يَكُونُوا أَمْثَالَكُمْ) [محمد : 38].

حرص على الصلاة و قراءه القران و تعظيم اي ورقة باللغة العربية اذا وقعت ورقة باللغة العربية اخذها و قبلها و وضعها على مكان عالي محترم الفلبيين متواضعين مهما وصلوا لاعلى المناصب و نظاف جدا

السودانيين يد واحدة , اذا سمعوا ان خطيب مسجد سعودي تجد المسجد يمتلئ بهم و يسلمون عليه بيت اي سوداني هو بيتهم كلهم و دائما يبتسمون ابتسامة جميله

اللبناني تجده تاجرا شاطر حتى لو كان مهندس او دكتور

هناك مهندس زراعي لبناني

فاتح مطعم يقف فيه بالليل و الصبح مهندس


مقال مهم لمن يفكر بالسفر

منقول

بعض النصائح للي بيفكر يشتغل في الخليج او جايله فعلا عرض عمل :
اقرا كويس عشان متلبس بعد كده

المرتب : متفرحش ان المرتب عامل كام بالمصري ، انت حتصرف هناك بالعملة المحلية مش بالجنيه ، فاوعى تقول كده بالمصري حيساوي واوووووو ، اعرف المصاريف المطلوبه الاول

الامثلة التاليه هي ارقام حقيقية من قطر والامارات ، الارقام كلها لحياة متوسطة ولا انت مزنق نفسك ولا انت فاتح عالاخر لاسرة من 4 افراد اب وام وطفلين في الشهر

السكن : متوسط سعر شقة اوضتين غير مفروشة 5500 ريال/درهم شهريا يعني حوالي 11500 جنيه smile emoticon

متوسط سعر شقة اوضتين مفروشة 7000 ريال/درهم شهريا يعني حوالي 14400 جنيه

الاكل والشرب : متوسط حوالي 3000 ريال/درهم شهريا يعني حوالي 6400 جنيه

استهلاك الكهربا والميه والانترنت المنزلي : متوسط 500 ريال/درهم شهريا يعني حوالي 1100 جنيه

المدارس بتبدأ 7000 ريال/درهم الى 100000 وده آخر رقم شوفته يمكن في اعلى

اللبس : في حاجات اغلى من مصر وحاجات ارخص

اسئلة مهمة لازم تعرفها قبل ماتسافر

التأمين الصحي : لازم يكون ليك تأمين صحي انت واسرتك ، لو مافيش حتلبس جامد جدا ، الادوية والدكاتره غالين جدا لو حتدفع من جيبك ، اديك مثال بسيط ، في نقط للانف مش فاكر اسمها كنت بجبها لابني في مصر ب 2 جنيه ، في قطر جبتها ب 30 ريال smile emoticon

اهمهم هو المسمى الوظيفي اللي حيتكتب في بطاقتك ، في شركات بتستهبل وتكتب فني ولا عامل وانت تكون مهندس ولا محاسب ولا اي مهنة تانية كويسه ، اعرف كويس قوي واتفق عالمسمى الوظيفي اللي حيتكتب في البطاقة واوعى يضحكوا عليك لان لو مثلا اتكتبت فني مش حتعرف تطلع رخصة سواقة ولا تجيب مراتك وعيالك ولو حتسافر داخل دول الاتحاد الخليجي مش حتعرف تاخد فيزا عند الوصول في المطار visa on arrival، لازم تقدم قبل السفرعالفيزا ، وفي حاجات تانيه كتير مرتبطة بالمسمى الوظيفي

اعرف كوبس قوي ايه اللي مكتوب في الاوفر واقراه كويس جدا وخد بالك من التالي
السكن : هل الشركة حتوفرهولك ولا حتديلك بدل سكن ولا حتقولك اتصرف انت
لو الشركة حتوفرلك السكن اعرف السكن عذابي ولا عائلي لو معاك مراتك وعيالك
لو عذابي اعرف يبعد قد ايه عن الشغل وهل في مواصلات ولا لأ ولو لأ ايه الحل وحكون لوحدي في السكن ولا معايا حد ولو معايا حد كام واحد ، النقطة ديه كام واحد مهمة جدا لان في شركات بتسكن 6 في اوضه ، ايوا انت قريت صح 6 أشخاص في اوضه ، طبعا لو انت رايح على وظيفة كويسه مش مفروض انك تلاقي الكلام ده بس في شركات بتستهبل

لو عائلي اسأل كام اوضه وهل يشمل الكهربا والميه والانترنت ولا لأ ، هل مفروش ولا لأ ، في اجهزة المطبخ تلاجة وغسالة وبوتجاز الخ ولا لأ ، اعرف كل التفاصيل ومتخفش وانت بتسأل ومتتكسفش ده بيزنس وده حقك

لو مش حيوفروا سكن اسأل هل في بدل سكن في المرتب ولا لأ ، المفروض يكون في بدل سكن وارجع لفوق لنقطة اسعار السكن عشان تفهم وتربط الامور ببعض

نقطة مهمة اوي لو حتاخد مراتك وعيالك وهو المرتب كام لو مافيش بدل سكن ، القانون في قطر بيقول
عشان تجيب الاسرة لازم مرتبك ميقلش عن 7000 ريال لو الشركة حتوفرلك السكن او 10000 لو مش حتوفرلك السكن بجانب المسمى الوظيفي ميكونش عامل طباخ فني خياط الخ من المهن الحرفية.

اسأل تعرف تجيب اسرتك بعد وقت اد ايه ، الطبيعي حيكون بعد ماتخلص فترة الاختبار الاولى probation period واللي غالبا بتكون 6 شهور او 3 شهور وبعدها بتحتاج حوالي شهر إجراءات

اسأل على ال Job description لان بعد ماتيجي ممكن يخلوك تعمل عجين الفلاحة عشان تحافظ على شغلك 😂

الاجازة اعرف ليك كام يوم في السنة وتقدر تستخدمهم من امتى لان في شركات بتقولك خلص السنة عشان تاخد اجازات السنة ديه .
اعرف لما تاخد اجازة المفروض تاخد مرتبك كامل ، في شركات بتستهبل وتقولك حتاخد الاساسي بس

بالنسبة للمواصلات كالتالي
تاكسي بيبدأ العداد تقريبا ب 4 ريال في قطر وكل 250 متر بريال
في هنود وباكستانيين بيشغلوا عربيتهم تاكسي وده مش قانوني وبيحاسبك بالاتفاق
الاتوبيس بتشتري كارت وتشحنه وعلى ماافتكر اقل مشوار ب 6 ريال وكل ماعدد المحطات ذاد بتدفع اكتر بحد اقصى 10 ريال
مافيش مكروباصات ولا تكاتك smile emoticon

سعر لتر البنزين في قطر 1 ريال لبنزين 97 اوكتين ، في الامارات السعر غلي وبقى تقريبا 2.20 درهم

لو عايز تعرف متوسط اسعار العربيات المستعملة ادخل على الموقع ده
Www.qatarsale.com

واحد بيسأل عالجيم. 😂😂😂😂
اولا مفهوم النوادي هناك مش ذي عندنا تدخل مثلا النادي الاهلي تلاقي ناس واسر قاعدين والعواجيز بيلعبوا طاوله وناس جايبه ساندوتشات من ابو ربيع وبياكلوا smile emoticon نووو الوضوع هناك مفهوش الناحية الاجتماعية ديه
متوسط اشتراك الجيم 1000 ريال في الشهر ، في مكان في قطر اسمه اسباير اكتيف مدعم من الحكومة ، المكان ده عالمي
اشتراك اللياقة البدنية 200 ريال شهريا
الجيم 200 ريال او 250 مش فاكر بس لازم تاخده مع اللياقة
السباحة 150 او 200 ولازم مع اللياقة

لمعرفة اسعار المستعمل لكل حاجة في قطر سواء عربيات او اجهزة كهربائية او او ادخل عالموقع ده
Www.qatarliving.com

المرور والمخالفات ان ان ان اااان … تشششششش
قانون المرور صارم ومافيهوش عشه جنيه مكرمشه
قوانين قطر كالتالي
كسر الاشارة غرامة تبدأ ب 6000 ريال الى 50000 لو تسببت في اضرار 😈😈😈😈😈
الركن صف تاني 300 ريال و 3 نقط ، ليك تقريبا 14 نقطة لو خلصتهم بتتمنع من السواقة فترة مش عارفها بالظبط ومره في مره بتتمنع من السواقة خالص
مخالفة الرادار 500 ريال لو مثلا سرعة الطريق 100 وانت ماشي فوق ال 100 لغاية 119 تدفع 500
من 120 الى 139 تدفع 600
من 140 الى 159 تدفع 700
من 160 قضية وشكرا والى القاء ونشوفك في مصر

المرتب بتقبضه اول الشهر الميلادي

الشركات 3 انواع
قطاع حكومي وده الافضل في المرتبات والمزايا وركز عليه
قطاع شبه حكومي اقل في المرتب واقل في المزايا
قطاع خاص اقل من شبه الحكومي
طبعا في استثناءات في النص

التحويش ان ان ان اااااان تششششش برضه
ركز في اللي جي
لو مش متجوز اكيد مصاريفك اقل من المتجوز ، بصفة عامة اسمع مني لو المرتب بالحبشتكنات اقل من 20 000 بلاش منها صدقني مش حتجيب همها لانك حتلاقي نفسك صرفت ال 20 000 مابين ايجار ومدارس واتوبيس مدارس وعربيه وبنزين واكل وشرب الخ الخ
طبعا كل واحد ليه اسلوب حياه مختلف عن التاني
فوق ال 20 000 ممكن نبتدي نتكلم في التحويش ومتتخضش وتقول 20000 يعني بتاع 42000 جنيه في الشهر ، ارجع لاول البوست ومتقارنش بالجنيه ، العيشه في الخليج اغلى بكتيييييييييير من مصر ، يعني مثلا قلنا قبل كده ان متوسط الاوضتين مفروشين 7000 ريال يعني بالمصري حوالي 14400 جنيه ، هل في شقة اوضتين في مصر ايجارها كده ؟ اكيد لأ فتاني بنقول متقارنش بالجنيه وتاني كل واحد ليه اسلوب حياة ، ممكن واحد عازب بياخد 6000 ريال والشركة موفراله السكن وبيتعامل وبيعرف يحوش .

اهم حاجه في رأيي الشخصي ان الغربة مش هدفها التحويش لكن هدفها عيشة افضل لنفسك ولولادك ومراتك وده في رأيي اهم مليون مره من التحويش ، انا عايش النهارده وبكره بتاع ربنا

ححاول اعمل ابديت للبوست ديه كل مافتكر حاجه واللي عنده استفسار يكتبه وان شاء الله ححاول ارد على اي استفسار

اخر نصيحة ، متضيعش سنين شبابك في حلم انك تسافر وتحوش وتحرم نفسك على امل العيشة الرغدة لما ترجع مصر ، عيش حياتك واتمتع ومتحرمش نفسك وولادك على امل لما نرجع مصر ، مش يمكن مترجعش وتموت هناك ؟ بلاش تؤجل حياتك بالعكس عيش واستمتع بكل لحظة انت عايشها ، خلي هدفك حياة افضل مش تأجيل الحياة والتركيز ازاي احوش
وتاني ده مجرد رايي الشخصي وكل واحد حر اكيد في حياته.

اوزن امورك قبل ماتساقر واعرف حتجيب همها ولا لأ
‫#‏اوزن_امورك_قبل_ماتسافر‬
‫#‏احسبها_صح‬
‫#‏الغربة_عيشة_افضل_مش_شرط_تحوش‬
‫#‏انت_عايش_النهارده_مش_بكره‬
‫#‏اسأل_في_كل_التفاصيل_قبل_ماتسافر‬

يا صديقي

يا صديقا Continue reading →

و لسه في قطر

في ناس كثير قبل ما تسافر بتسئل نفس الاسئلة

و طبعا نفس الاجابة الا لو في حد متضايق منه و الحمد لله مش مضايق من حد

فقلت خليها اجابة واحدة نجاوب على اسئله استاذتي و من احبهم

لقراءة ما سبق https://draftsman.wordpress.com/category/in_qatar/ 

المواصلات في قطر :

  • الاتوبيسات حتى الان قليل الاعتماد عليها

Image

  • اما تقضيها تاكسيات و ده مبلغ كبير

Image

  • او تشتري عربية و دي سهلة
  1. اما مستعملة ستجدها رخيصة جدا
  2. او جديدة بالتقسيط

Continue reading →

جامع الإمام محمد بن عبد الوهاب

الجمعة الماضية ذهبت لاصلي بمسجد

الإمام محمد بن عبد الوهاب

اكبر مسجد بقطر و يتسع هذا الجامع لأكثر من ثلاثين ألف مصلّ Continue reading →

في قطر

قبل ما اسافر كنت بفكر اخد كورست انجليزي

اولاد الحلال قالو لي افضل كورس “نوت كورس”

ليه ؟؟ لانك بتقعد مع ناس ببتكلم انجليزي و تعيش كأنك هناك

لما سافرت قطر حسيت اني دخلت الكورس و ببلاش كمان

و كرس لذيذ بنهزر فيه و بنضحك

اغلب الحديث بالانجليزي Continue reading →

الى قطر

حلم العديد من الشباب الهجرة و العمل في الدول العربية

لم يكن هذا حلمي لارتباطي بالعائلة لانى وحيد ابويا

لكن نظرا لظروف البلد (على كف عفريت)

بتهيألي لو حد كان اغمي عليه يوم 24 يناير 2011 و صحي اليومين دول في شهر يوليو  2013-

محتاجين خمسين سنه عشان نفهمه

ده لو كنا احنا فاهمين !!!!!

المهم نتيجة لظروف البلد قررت اسافر اشتغل في دوله تكون مهتمة بالمباني الخضراء حتى اخذ خبره فيها

Continue reading →

انجلياربيهندي

ايوة زي ما قريتها كدا

انجليزي عربي هندي

على شوية بنجلاديش و سريلانكي و كل الجنسيات و كل اللغات

tarouv1

في مصر كنا بنقابل ناس من جنسيات مختلفة

الشرقية – المنوفية – الفيوم –

كبيرها قوي المنيا

Continue reading →

%d مدونون معجبون بهذه: